ჩვენს კომენტარზე @kiabi_official-ის მონიშვნითა და ჰეშთეგის #YESKIABI
გამოყენებით (შემდგომში — „თანხმობის ჰეშთეგი“) პასუხის გაცემით, თქვენ, ან პირი
თუ ორგანიზაცია, რომელსაც წარმოადგენთ, უპირობოდ ეთანხმებით წინამდებარე
შეთანხმების პირობებს და ხდებით მისი მხარე (შემდგომში — „შეთანხმება“).
ამასთანავე, თქვენ ეთანხმებით ბრენდის კონფიდენციალურობის პოლიტიკასა და
გამოყენების პირობებს, რომლებიც ხელმისაწვდომია შემდეგ მისამართზე:
www.kiabi.com/services/donnees-client.html და წარმოადგენს წინამდებარე შეთანხმების
განუყოფელ ნაწილს.
შეთანხმების მეორე მხარეს წარმოადგენს ბრენდი, მისი სავაჭრო ნიშნები,
თანამშრომლები, აფილირებული და შვილობილი კომპანიები, ლიცენზიის
მფლობელები, უფლებამონაცვლეები, კანონიერი წარმომადგენლები და
მემკვიდრეები (შემდგომში ერთობლივად — „ბრენდი“).
წინამდებარე შეთანხმებით თქვენ ბრენდს ანიჭებთ უფლებას, გამოიყენოს თქვენ მიერ
გადაღებული და სოციალურ ქსელებში გამოქვეყნებული ფოტოები ან ვიდეოები,
ასევე თქვენს პუბლიკაციასთან დაკავშირებული საიდენტიფიკაციო ინფორმაცია, მათ
შორის: მომხმარებლის სახელი, გამოსახულება, პუბლიკაციის აღწერა და ჰეშთეგები.
აღნიშნული უფლება ასევე ვრცელდება თქვენს პუბლიკაციაში წარმოდგენილი სხვა
პირების სახელებსა და გამოსახულებებზე, აგრეთვე დამატებით ინფორმაციაზე,
რომლის მიწოდებაც თქვენი სურვილით შეგიძლიათ, მაგალითად, თქვენს სახელსა
და ელექტრონული ფოსტის მისამართზე (შემდგომში ერთობლივად —
„მომხმარებლის კონტენტი“).
თუ არ ეთანხმებით წინამდებარე შეთანხმების ყველა პირობას, არ გამოაქვეყნოთ
თანხმობის ჰეშთეგი.
თუ შეთანხმებას დებთ სხვა პირის ან ორგანიზაციის სახელით, ადასტურებთ, რომ
ამის შესაბამისი უფლებამოსილება გაქვთ.